“Hüquqi İslahatlara Yardım Mərkəzi” İctimai Birliyi tərəfindən Azərbaycan Respublikasının İnzibati Xətalar Məcəlləsinin 211-ci (epidemiya əleyhinə rejimin, sanitariya-gigiyena və karantin rejimlərinin pozulması) maddəsində nəzərdə tutulmuş hallarla əlaqədar sahibkarlıq subyektlərində aparılan yoxlamalara “Sahibkarlıq sahəsində aparılan yoxlamaların tənzimlənməsi və sahibkarların maraqlarının müdafiəsi haqqında” Azərbaycan Respublikasının Qanunun tələblərinin şamil edilib-edilməməsi məsələsinə izah verilməsinə dair Azərbaycan Respublikası Ədliyyə Nazirliyinə ünvanlanmış müraciətə baxılmış və bununla əlaqədar olaraq “Hüquqi İslahatlara Yardım Mərkəzi” İctimai Birliyinə 04.03.2021-ci il tarixli, 03/10-535/1 saylı cavab məktubu daxil olmuşdur.
